१ माघ, काठमाडौं । माघे संक्रान्तिका धेरै विशेषताहरुमध्ये गोरु जुधाउने पनि मुख्य हो । सोमबार देशका विभिन्न ठाउँमा गोरु जुधाएर पनि रमाइलो गर्ने प्रचलन छ ।
देशका धेरै ठाउँमा गोरु जुधाए पनि नुवाकोट जिल्लाको नाम अग्रपंक्तिमा आउँछ । सोमबार नुवाकोटको तीन ठाउँमा गरी ४० हल गोरु जुधाइएको छ ।
तारुका, बेत्रावती र पञ्चकन्यामा आयोजना गरिएको गोरु जुधाई मेलामा किसानले पालेका ४० हल गोरु प्रतिस्पर्धा गराइएको हो । ‘तारुकाको पौरख, नेपालको गौरव’ नारासहित तार्केश्वर गाउँपालिका-३ तारुकाको चन्दनीबारीमा २० हल गोरु जुधाइएको छ ।
