२६ वैशाख, काठमाडौं । सिंहदरबार अगाडी चिनियाँ नागरिक र प्रहरीबीच झडप भएको छ । स्वदेश फिर्ता हुन पाउनु पर्ने माग गर्दै सिंहदरबारमा धर्ना दिन गएका उनीहरुले विना कुनै जानकारी लकडाउनको निषेधित क्षेत्र तोडेपछि प्रहरीले नियन्त्रणमा लिन खोज्ने क्रममा झडप भएको हो ।
सुरक्षाकर्मी भिड तितरवितर पार्न पुगेपछि चिनियाँ नागरिकहरुले प्रहरीलाई ढुंगामुढा गरेको प्रहरीको भनाइ छ । त्यसक्रममा ३३ जनै चिनियाँ नागरिक पक्राउ परेका छन् । एक जना महिला प्रहरी र तीन जना चिनियाँ नागरिक घाइते भएका छन् ।
