१९ चैत,काठमाण्डाै । संघीय संसद्ले नेपाली कांग्रेसका नेता खुमबहादुर खड्काको निधनमा शोक प्रस्ताव पारित गरेको छ ।
प्रतिनिधिसभा र राष्ट्रियसभाको सोमबार बसेको छुट्टाछुट्टै बैठकले पूर्वमन्त्री खड्काको निधनमा शोक प्रस्ताव पारित गरेको हो ।
२०४८, २०५१ र २०५६ सालमा दाङबाट प्रतिनिधिसभामा नेपाली कांग्रेसबाट सांसद्मा निर्वाचित खड्काको चैत १६ गते ६७ वर्षको उमेरमा उपचारका क्रममा भारतको नयाँ दिल्लीमा रहेको अपोलो अस्पतालमा निधन भएको थियो ।
