२३ माघ, उदयपुर । उदयपुरको त्रियुगा नगरपालिका ११ स्थित पुुरानो सब्जीबजार क्षेत्रमा रहेको एक घरमा आगलागी हुदा लाखौको क्षति भएको छ । स्थानीय भक्तबहादुर दनुवारको दुईतले काठको घर जल्दा माथिल्लो तलामा रहेको सम्पूर्ण सामग्री जलेर खरानी भएको प्रहरीले जनाएको छ ।
राती झण्डै ९ः०० बजेतिर सल्कीएको आगो केही समयको प्रयासपछि स्थानीय, नेपाल प्रहरी, सशस्त्र प्रहरीलगायतको सहयोगमा नियन्त्रण भएको थियो ।
आगलागीको समय सबै घरमा रहेका र घरको तल्लो तलामा खाना पकाइरहेको बेला माथिल्ला तलामा एक्कासी आगो देखिएको पारिवारले जनाएको छ ।
