काठमाडौं । प्रहरी प्रधान कार्यालय, नक्सालको सिफारिसमा गृह मन्त्रालयले महानगरीय प्रहरी वृत्त, थानकोटको मुद्दा फाँटमा कार्यरत प्रहरी निरीक्षक गायत्रीराज शर्मालाई निलम्बन गरिएको छ । स्रोतका अनुसार सेवाग्राहीसँग १५ हजार रुपैयाँ घुस लिएको अभियोगमाथि छानविन थाल्न शर्मालाई निलम्बन गरिएको हो ।
शर्माले हिरासतमा रहेका व्यक्तिका निकटस्थसँग रकम लिएको आरोपसमेत लगाइएको छ । शर्माले भने रकम लिएको अस्वीकार गरेका छन् ।
