बन्दुक
१८ पुस, पाल्पा । बाँदरलाई गोली हान्ने क्रममा एक मानिसलाई गोली लाग्दा एक मृत्यु भएको छ । तिनाउ गाउँपालिका–६, मस्यामको ६२ वर्षका धनबहादुर थापाको छत्तीवन जंगलमा गोली लागि मृत्यु भएको हो ।
३६ वर्षका बलबहादुर लम्तरीले बाँदरलाई भन्दै हानेको गोली लागी थापाको मृत्यु भएको हो । गत सोमबार साँझ ७ः४५ बजेको समयमा जंगलमा बाँदर ठानी हानेको गोली धनबहादुरलाई लागेको कुरा प्रहरी सामु बयान दिएका छन् ।
बाँदर भनी झुक्किएर गोली चलाउँदा धनबहादुरको घटनास्थलमै मृत्यु भएको प्रहरीले जनाएको छ । गोली चालक बलबहादुरलाई भरुवा बन्दुक सहित पक्राउ गरेर अनुसन्धान थालिएको जिल्ला प्रहरी कार्यालयले जनाएको छ।
