भदौ २३, मेक्सिको । मेक्सिकोमा शुक्रबार (स्थानीय समयअनुसार बिहीबार राति ११:४९ बजे) शक्तिशाली भूकम्प गएको छ । ८ म्याग्निच्यूड मापन गरिएको भूकम्पलगत्तै सुनामीको चेतावनी जारी गरिएको छ ।
मेक्सिकोका अतिरिक्त ग्वाटेमाला, एल साल्भाडोर, कोस्टारिका, निकारागुवा, पनामा र होन्डुरसमा पनि सुनामीको चेतावनी जारी गरिएको छ ।
अन्तर्राष्ट्रिय संचारमाध्यमका अनुसार पिजिजियापान सहरको ६० माइल दक्षिणपश्चिममा केन्द्रबिन्दु बनाएर भूकम्प गएको हो । ग्वाटेमालाको सीमा नजिकै केन्द्रबिन्दु रहेको भूकम्पबाट भएको क्षतिको पूर्ण विवरण आइसकेको छैन ।
