एजेन्सी, ३ जेठ । एथ्लेटिको मड्रिडले युरोपा लिग फुटबलको उपाधि कब्जा गरेको छ ।
एन्टोनीयो ग्रीजम्यानको दुई तथा गावीको एक गोलको मद्दतमा मार्सेललाई ३–० ले पराजित गर्दै मड्रिडले उपाधि कब्जा गरेको हो ।
बुधबार राति सम्पन्न खेलमा ग्रीजम्यानले खेलको २१ र ४९ औं र गावीले ८९ औं मिनेटमा गोल गरेका थिए ।
योसँगै एथ्लेटिको मड्रिडले तेस्रो पटक युरोपा लिग फुटबलको उपाधि जितेको हो ।
यसअघि उसले सन् २०१० र २०१२ मा पनि उपाधि जितेको थियो ।
