चीनले ताइवान वरपर गर्‍यो अहिलेसम्मकै ठूलो सैन्य अभ्यास Nepalpatraचीनले ताइवान वरपर गर्‍यो अहिलेसम्मकै ठूलो सैन्य अभ्यास
३० श्रावण २०७९, सोमबार

चीनले ताइवान वरपर गर्‍यो अहिलेसम्मकै ठूलो सैन्य अभ्यास


अहिलेसम्मकै ठूलो सैन्य अभ्यास

बेइजिङ । चीनले ताइवान वरपर अहिलेसम्मकै ठूलो सैन्य अभ्यास गरेको छ । अमेरिकी सभामुख न्यान्सी पेलोसीको ताइवान भ्रमणलाई लिएर चीन आक्रोशित बनेको चीनले ताइवान सीमा क्षेत्रमा युद्ध अभ्यास जारी राखेको हो ।

पेलोसी ताइवान भ्रमण सकेर फिर्ता भइसक्दा पनि चीनले ताइवान सीमा क्षेत्रमा युद्ध अभ्यास जारी राखेको हो । पेलोसीको ताइवान भ्रमणलाई लिएर अमेरिका र चीनबीच तनाव बढेको हो ।

चीन पेलोसीको ताइवान भ्रमण नहोस् भन्ने चाहेर अमेरिकालाई सो भ्रमण रोक्न धम्की समेत दिएपनि उनले ताइवान भ्रमण गरेकोले चीन थप आक्रोशित भएको हो । चिनियाँ अधिकारीहरूले पेलोसीको भ्रमणको चर्चा सुरु भएदेखि नै विरोध जनाउँदै आएका थिए ।

बुधबार चीनको पिपुल्स लिबरेशन आर्मी (पीएलए) ले ताइवान आसपासका ६ क्षेत्रमा सैन्य अभ्यास सुरु गरेको छ । ताइवान नजिक सैन्य अभ्यास थालेको चीनले दुई वटा मिसाइल प्रक्षेपण गरेको छ ।

ताइवानले भने चिनियाँ गतिविधिलाई लिएर आपत्ति जनाएको छ । ताइवानको रक्षा मन्त्रालयले भने चीनसंग युद्ध गर्नुपरे पनि आफू तयार रहेको तर आफूहरु कुनै प्रकारको तनाव नचाहने बताएको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !