वासिङटन । सबैतर्फबाट तीव्र ‘डिमान्ड’ आएपछि नेट्फ्लिक्सले युक्रेनका राष्ट्रपति भोलोदमिर जेलेन्स्कीलाई चर्चामा ल्याउने उनको २०१५ को कमेडी कार्यक्रम आफ्नो प्लेटफर्ममा राख्ने भएको छ । कम्पनीले शुक्रबार मात्र यसको घोषणा गरेको हो ।
‘जनताको दास फेरि सेवामा फर्कियो’ भन्ने आशयको शीर्षक दिएर सो कार्यक्रम केही समयमै नेट्फ्लिक्समा उपलब्ध हुने भएको छ ।
यसमा जेलेन्स्की एक युक्रेनियन माध्यमिक तहको स्कुलका टिचर हुन्छन् । यसपछि भ्रष्टाचारबारे गुनासो गर्दै गरेको उनको भिडियो भाइरल भएपछि उनी अप्रत्याशित रूपमा राष्ट्रपति बन्छन् ।
राजनीतिज्ञ हुनु अगाडि जेलेन्स्की एक हाँस्य कलाकार थिए । उक्त सिरिज कमेडी भएपनि यसमा जेलेन्स्की कहाँबाट आएका हुन् भन्ने सम्बन्धी महत्वपूर्ण र रोचक तथ्यहरू रहेको एको म्यानेजिङ पार्टनर निकोला सोडरलन्डले बताइन् । -साउथ चाइना मर्निङ पोस्टबाट ।
