काठमाडौं । कम्युनिष्ट युवा नेता ३५ वर्षीय गेब्रियल बोरिक चिलीको राष्ट्रपतिमा निर्वाचित भएका छन् । अन्तर्राष्ट्रिय समाचार अनुसार दक्षिणपन्थी प्रतिद्वन्द्वी जोस एन्टोनियो कास्टलाई १२ प्रतिशत मतले पछि पार्दै बोरिक राष्ट्रपति पदमा निर्वाचित भएका हुन् ।
अन्तर्राष्ट्रिय समाचार अनुसार सन् २०११-१२ मा विश्वविद्यालयको शिक्षा निःशुल्क हुनुपर्ने मागसहित विद्यार्थीहरुले गरेको आन्दोलनमा उनी एक प्रमुख अगुवाको रुपमा चिनिएका थिए ।
त्यसपछि सन् २०१३ मा भएको निर्वाचनमा उनी संसदको तल्लो सदनमा स्वतन्त्र उम्मेदवार बनेर विजयी बनेका थिए ।
