१५ चैत, काठमाण्डौ । बल टेम्परिङ काण्डमा मुछिएका अष्ट्रेलियाका कप्तान स्टिभ स्मिथ र उपकप्तान डेभिड वार्नरले इन्डियन प्रिमियर लिग आईपीएल पनि खेल्न नपाउने भएका छन् ।
भारतीय क्रिकेट कन्ट्रोल बोर्डले उनीहरुलाई यो वर्षको आईपीएल खेल्न प्रतिबन्ध लगाएको छ । आईपीएल कमिस्नर राजिव शुक्लाका अनुसार राजस्थान रोयल्स र सनराइजर्स हैदरावादले स्टिभ स्मिथ र डेभिड वार्नरको ठाउँमा नयाँ खेलाडी अनुबन्ध गर्न पाउनेछन् ।
उनीहरुलाई आज मात्रै अष्ट्रेलिया क्रिकेटले १ वर्षको प्रतिबन्ध लगाएको थियो । यसअघि स्मिथले राजस्थान रोयल्सको कप्तानबाट राजीनामा दिइसकेका थिए भने वार्नरले पनि बुधबार बिहान सनराइजर्स हैदराबादको कप्तानबाट राजीनामा दिइसकेका छन् ।
यो पनि पढ्नुहोस् :
कडा सुरक्षा घेराका बीच स्टिभ स्मिथलाई घर फर्काइयो
अष्ट्रेलियाको क्रिकेट संघले स्मिथ र वार्नरलाई एक वर्षको प्रतिबन्ध
