एजेन्सी, २ चैत । अमेरिकी सेना बोकेको हेलिकोप्टर इराकको पश्चिमी क्षेत्रमा दुर्घटनाग्रस्त भएको छ ।
दुर्घटनामा परी सात जना अमेरिकी सैनिक अधिकारीको मृत्यु भएको अमेरिकी सुरक्षा अधिकारीले शुक्रबार जानकारी दिएका छन् ।
‘विमानमा सात सैनिक थिए, ती सबैको मृत्यु भएको विश्वास गरिएको छ,’ अमेरिकी अधिकारीले सञ्चार माध्यमसँग भने ।
इराकवाट सिरिया जाने बेलामा हेलिकोप्टर दुर्घटनामा परेको र अन्य विवरणहरु आउन बाँकी रहेको समाचारमा जनाइएको छ ।
