मुम्बई, भदौ २४ । मुम्बई महानगरपालिकाको एक समूहले अभिनेत्री कंगना रनावतको बंगलाका केही हिस्सा भत्काएको छ । जसलाई उनीहरुले अवैध तरिकाले गरिएको परिवर्तन बताएका छन् ।
कंगना रनावतले पनि आफैले यो कारवाहीको तस्बिर ट्वीट गरेकी छिन् र मुम्बईको पुनः तुलना पाकिस्तान प्रशासित कश्मिरसँग गरेकी छिन् । यसअघि उनको यहि बयानले हंगामा मच्चाएको थियो ।
कंगना बुधबार नै हिमाचल प्रदेशबाट मुम्बई फर्किएकी छिन् । उनले बाटोबाटै ट्वीट गर्दै लेखिन्, ‘यस्तो समय जब म मुम्बई दर्शनका लागि एयरपोर्ट जाँदै छु, महाराष्ट्र सरकार र उनीहरुका गुण्डाले मेरो सम्पत्तिलाई अवैध तरिकाले तोड्न पुगेका छन् ।’
https://twitter.com/KanganaTeam/status/1303586065597440000
https://twitter.com/KanganaTeam/status/1303574493273550851
