१२ फागुन, काठमाडौं । पछिल्लो समय नेपालमा विभिन्न घट्नाहरु घटिरहेका छन् । उक्त घट्नाहरुमा घटेका क्षेतिपूर्ति नेपाल सरकारले कुनै खालको सहयोग गरेका छैनन् ।
यस्ता घट्नाहरुमा पछिल्लो समयमा प्रवासीहरु निकै सक्रियता देखिन्छन् । त्यस्तै क्रममा प्रवासीहरुको सहयोगवाट खोटाङ जिल्ला बराहपोखरी गाउँपालिका वाड नं. २ सुन्तलेका लाग्लागीपिडित कविराज बास्तोलालाई १ लाख ६ हजार ६ सय ९८ रुपैयाँ सहयोग गरेका छन् ।
गत तिहारको लक्ष्मी पुजाको साँझ दियो बत्ती बाली सुत्न लाग्दा बत्तिको दियो पर्दामा सल्किएको आगोवाट बास्तोलाको घर जलेर नष्ट भएको थियो ।
आगलागीवाट घर जलेर १० लाख बराबरको क्षतिपूर्ति भएको थियो ।
उक्त रकम यूकेबाट नेपाल आएका समाजसेवी ढक राना मगर र नेपालमै रहनु भएको समाजसेवी ध्यान कुमार राईले लागलागी पिडित बास्तोलालाई हस्तान्तरण गरेका थिए ।
उक्त रकम संकलन गर्नको लागि कुवेतबाट केदार कुमार मगर, कतारबाट चुडामणि दाहाल, मलेसियाबाट चन्द्र गुर्मछान मगर, दुबईबाट राजेन्द्र दाहाल, यूकेबाट ढक राना मगर र नेपाल बाट ध्यान कुमार राईले पहल गरेको समाजसेवी केदार कुमार मगरले जानकारी दिए ।
पछिल्लो समयमा सुन्तले प्रवासीहरुले यस्ता सहयोग निकै नै धेरै गर्दै आएका छन् । उक्त सुन्तलेमा अवस्थित श्री ज्यू मावि विद्यालयलाई केदार कुमार मगरको अध्यक्षतामा कम्प्युटर खरिद गरि कम्प्युटर कक्षा संचालन गर्न र अक्षयकोष स्थापना गर्नको लागि १० लाख ८९ हजार २ सय र ९ रुपैयाँ सहयोग गरिसकेका छन् ।
