इटहरीः निरन्तरको वर्षाले सप्तकोसी नदीमा पानीको बहाव निरन्तर बढिरहेको छ । पूर्वी पाहाडि जिल्लाहरुमा लगातार बर्षा नरोकिएपछि सप्तकोसीमा पानीको बहाव यो बर्षकै उच्च भएको हो ।
मंगलबार बिहान १० बजे सप्तकोसीमा गरिएको पानीको बहाब मापन गर्दा प्रतिसेकेण्ड २ लाख ६४ हजार ७ सय क्युसेक पुगेको सुनसरीका प्रहरी प्रमुख एसपी पोषराज पोखरेलले बताए । पानीको बहाव बढेपछि कोसी व्यारेजका ५६ ढोका मध्य ३५ ढोका खुल्ला गरिएको छ । सामान्यतथा सप्तकोसीमा पानीको बहाव एक लाख ५० हजार क्यसेक पानीको बहाव नाघेपछी खतरा मानिन्छ।
सप्तकोसीमा पानीको बहाव उच्च हुदा समेत भारत सरकारले कोसी ब्यारेजका सबै ढोका खोल्न आनाकानी गरेको छ । सप्तकोसीमा पानीको बहाव उच्च भएपछी कोसी व्यारेजको दुबै तर्फ खतराको संकेत स्वरुप रातो बत्ती बालिएको छ । भारतले कोसी ब्यारेजका सबै ढोका नखोलेका कारण कासी प्रभावित षेत्र सुनसरी, सप्तरी र उदयपुरका सर्बसाधारण आत्तकित बनेका छन् ।
भारत सरकारको नियन्त्रणमा रहेको कोसी व्यारेजमा पानीको बहाव उच्च हुदा समेत कोसी व्यारेजका सबै ढोका नखोलिएपछी सुनसरीका महेन्द्रनगर, प्रकासपुर, मधुवन, श्रीपुर , हरिपुर लगायतका सर्बसाधारण आतंीकत भएको कोसी पिडित सर्घष समितिका सचिव बाबुराम कार्कीले बताए । उनले साउन र भदौ महिनामा कोसी व्यारेजका सबै ढोका खोल्नु पर्ने माग गरेका छन् ।
२०६५ साल भदौ २ गते सप्तकोसीको पूर्वी तटबन्ध भत्काएर कटान गर्दा कोसीमा पानीको बहाव प्रति सकेण्ड एक लाख ६८ हजार क्युसेक थियो ।
