काठमाडौँ । अर्थ मन्त्रालयमा अबदेखि एक जना मात्र सचिव रहने भएका छन् । प्रधानमन्त्री सुशिला कार्की नेतृत्वको अन्तरिम सरकारले अर्थ मन्त्रालयमा एक जना मात्रै सचिव राख्ने भएको हो ।
दुई सचिवको दरवन्दी रहेको अर्थ मन्त्रालयले तत्कालका लागि एक सचिवले मात्रै काम चलाउने भएको हो । अवदेखि अर्थ मन्त्रालयमा राजस्व सचिव नरहने भएका छन्।
यसअनुसार हालका राजस्व सचिव दिनेश घिमिरेलाई प्राकृतिक स्रोत तथा वित्त आयोगमा सरुवा गरिएको छ । मंगलबारको मन्त्रिपरिषद् बैठकले राजस्व सचिव घिमिरेसहित ४ जना सचिवको सुरूवा गरेको थियो ।
हाल अर्थ सचिव घनश्याम उपाध्याय रहेका छन् । अर्थ मन्त्रालय स्रोतका अनुसार अर्थमन्त्री रामेश्वर खनालले तत्काल अर्को सचिव नचाहिने बताएका छन् ।
