काठमाडौं । प्रहरीले कान्तिपुर सहकारीका तत्कालीन अध्यक्ष चन्द्रबहादुर लामा (सीबी लामा) लाई पक्राउ गरेको छ । काठमाडौं उपत्यका अपराध अनुसन्धान कार्यालयको टोलीले लामालाई चितवनस्थित सिमाबाट पक्राउ गरेको प्रहरीले बताएको हो ।
उनले दुई सहकारीको झन्डै ८ अर्ब रुपैयाँ अपचलन गरेको आरोप छ । कान्तिपुर सहकारीको ६ अर्ब र पशुपतिको २ अर्ब अपचलन गरेको आरोपमा जाहेरी परेको छ ।
उनी कान्तिपुर सेभिङ एन्ड क्रेडिट कोअपरेटिभ संस्थाका पूर्वअध्यक्ष तथा पशुपति सेभिङ एन्ड क्रेडिटका अध्यक्ष समेत हुन् । चितवनबाट पक्राउ परेका लामालाई काठमाडौं ल्याइँदै गरेको प्रहरीले बताएको छ ।
