फाइल फोटो
काठमाडौं । ललितपुरको ग्वार्कोस्थित एउटा टहरोमा आज आइतबार आगलागी हुँदा एकै परिवारका पाँचजना घाइते भएका छन् । ललितपुर महानगरपालिका–१७ स्थित मोबिल राखिएको टहरोमा आगलागी हुँदा पाँच जना घाइते भएका हुन् ।
घाइते हुनेहरूमा सञ्जय गिरी उनकी श्रीमती रूपासँगै १५ वर्षीय छोरा नित गिरी, ८ वर्षीया छोरी प्रिया गिरी र ३ वर्षीया छोरी एलिसा गिरी छन् । उनीहरुलाई उपचारका लागि किस्ट अस्पताल पठाइएको प्रहरीले बताएको छ ।
घाइतेमध्ये तीन बालबालिकाको अवस्था गम्भीर रहेको छ । आगो निभाउन पाँच दमकल प्रयोग गरिएपछि आगलागी अहिले नियन्त्रणमा आएको छ ।
