काठमाडौं । सुदूरपश्चिमका प्रदेशका आन्तरिक मामिला तथा कानुनमन्त्री पृथ्वीबहादुर सिंह सवार गाडी दुर्घटनामा परेको छ । दुर्घटनामा परेका सुदूरपश्चिम प्रदेशका कानुनमन्त्री सिंहसहित ४ जनाको अवस्था गम्भीर रहेको छ ।
बझाङमा भएको दुर्घटनामा सिंहसहित ५ जना घाइते भएको बझाङ प्रहरीले जनाएको छ । डडेल्धुराबाट चैनपुरतर्फ गइरहेको सुप प्र ०१००१ झ ४८० नम्बरको गाडी केदास्यु गाउँपालिका–१ धारछडामा दुर्घटनामा परेको हो ।
मन्त्री सिंह, उनकी पत्नी अमृता सिंह, बुहारी नाता पर्ने जयादेवी सिंह, अंगरक्षक दिपक भण्डारी अचेत अवस्थामा रहेको प्रहरीले बताएको छ । उनीहरूलाई स्थानीय पोलिक्लिनिकमा उपचारका लागि पुर्याएपनि पाँचै जनालाई हेलिकप्टर मार्फत नेपालगन्ज रेफरको तयारी भइरहेको छ ।
