विश्वकै खतरनाक बाटो कुन होला ? कल्पना गर्न सक्नु हुन्छ?
सन् २००६ को एक अध्धयन अनुसार बर्सेनि सरदर २०० देखि ३०० जना जनाले यस बाटोमा ज्यान गुमाउने देखाएको थियो। यसलाई ‘मृत्यु सडक ‘अर्थात् अंग्रेजीमा ‘Death Road’ पनि भनिन्छ। यो सडक दक्षिण अमेरिकाको बोलिभिया भन्ने देशमा पर्छ। जुनसुकै क्षणमा पनि मृत्युको मुखमा पुग्न सकिन्छ भन्ने थाहा हुँदाहुँदै पनि ‘डर को अगाडी जीत छ’ भन्ने भनाइलाई आत्मसाथ गर्नेहरु माउन्टेन बाइकिङ्ग र साइक्लिङ्ग गर्न यो बाटो जान्छन्।
यद्यपि सन् १९९८ पछि कम्तिमा १८ जना साइकल यात्रीले यस बाटोमा ज्यान गुमाएका छन् । यो रोड सन् १९३० तिर प्यारागोवेका कैदीहरुले खनेका थिए । सन् २००६ मा यस रोडको आधुनिकीकरण कार्य सकिएको थियो ।
