श्रीमतीको हत्या गरेर फरार भएका कैलालीका युवक पक्राउ Nepalpatra श्रीमतीको हत्या गरेर फरार भएका कैलालीका युवक पक्राउ
१५ आश्विन २०७९, शनिबार

श्रीमतीको हत्या गरेर फरार भएका कैलालीका युवक पक्राउ


शेरबहादुर नाम्जाली मगर

धनगढी । श्रीमतीको हत्या गरेर फरार भएका कैलालीका युवक पक्राउ परेका छन् । कैलालीमा भारतबाट फर्किएलगत्तै ती पुरुषले आफ्नै श्रीमतीको हत्या गरेका थिए भने धारिलो हतियार प्रयोगबाट छोराछोरी घाइते भएका छन् ।

कैलालको गौरीगंगा नगरपालिका–५ का करिब ३५ वर्षीय शेरबहादुर नाम्जाली मगरले ३२ वर्षीया पत्नी ललिता नाम्जाली मगरको हत्या गरेका थिए । धारिलो हतियार प्रहार गरेर श्रीमतीको हत्या हरेक ती व्यक्ति फरार रहेका थिए ।

आफ्नै गाउँको बिसटोलमा हिडिरहेका बेला उनलाई पक्राउ गरिएको इलाका प्रहरी कार्यालय मालाखेती स्रोतले जानकारी दिएको छ । पछ्यौरी र रेबनले घाँटी कसेर उनले पत्नीको हत्या गरेको देखिएको छ।

ललिताको शव बिहीबार बिहान हत्या गरेको अवस्थामा घरमै भेटिएको हो । हिजो बुधबार राति उनको हत्या गरिएको प्रहरीको प्रारम्भिक अनुसन्धानबाट खुलेको छ ।

१७ वर्षीया छोरी लक्ष्मीको टाउकोमा चोट लागेको छ भने १२ वर्षीय छोरा विजय पनि घाइते भएका छन् । उनीहरूको घाँटी र टाउकामा धारिलो हतियार प्रहार गरिएको देखिन्छ ।

रोजगारीका लागि भारतमा रहेका शेरबहादुर बुधबार मात्र घर फर्किएका थिए । घर फर्किएलगत्तै श्रीमतीसँग शेरबहादुरको विवाद भएको र हत्या गरी फरार रहेको प्रहरीको प्रारम्भिक अनुसन्धानबाट खुलेको छ । घटनाबारे थप अनुसन्धान जारी रहेको प्रहरीले जनाएको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !