बुटवल । कपिलवस्तु जिल्लामा अज्ञात समूहले गोली हानी एकजनाको हत्या गरेको छ । कपिलवस्तुको मायादेवी गाँउपालिका-६ मदरहवा बस्ने ५५ वर्षीय घुरहु पासीलाई गोली हानी हत्या गरिएको प्रहरीले जानकारी दिएको छ ।
पासीलाई मायादेवी गाँउपालिका-५ को महादेवको एक खाली घरमा गोली हानी हत्या गरिएको प्रहरीले जनाएको हो । गोली लागेर गम्भीर घाइते भएका पासीको उपचारका लागि कपिलवस्तु अस्पताल लैजाने क्रममा मृत्यु भएको हो ।
