दाङ । दाङमा १४ वर्षीय किशोरले बलात्कार गरी ३ वर्षीया बालिकालाई भीरबाट खसालेका छन् । प्रहरीका अनुसार ती किशोरले बालिकालाई बलात्कारपछि ४० मिटर अग्लो भिरबाट खसालेका थिए ।
ती बालिकाको बलात्कार गरेर भीरबाट खसालेको प्रारम्भिक अनुसन्धानमा देखिएको प्रहरीले बताएको छ । बालिकाको घरमा आँप खान गएका बबई गाउँपालिका–४ का ती किशोरले बालिकालाई बलात्कार गरेकाे इलाका प्रहरी कार्यालय तुल्सीपुरले जनाएको छ।
बालिकालाई बलात्कार गरेपछि किशोरले बालिकाले कानमा लगाएको सुन समेत लुटेका थिए । ती बलात्कृत बालिकाको नेपालगन्जमा उपचार भइरहेको छ । बालिकाको स्वास्थ्य अवस्था सुधार भइरहेको प्रहरीले जनाएको छ ।
ती किशोर यसअघि पनि पटक-पटक यस्ता क्रियाकलापमा संलग्न रहेका प्रहरीले जनाएको छ । ती किशोरलाई अहिले इलाका प्रहरी कार्यालय तुल्सीपुरमा राखिएको छ । आरोपी किशोरले अपराध स्वीकार गरिसकेका छन् ।
