काठमाडौँ । जापानी पूर्वप्रधानमन्त्री शिन्जो आबेको निधनप्रति नेपाली काँग्रेसका सभापति समेत रहेका प्रधानमन्त्री शेरबहादुर देउवा र पूर्वप्रधानमन्त्री एवं प्रमुख प्रतिपक्षी दल नेकपा एमालेका अध्यक्ष केपी शर्मा ओलीले श्रद्धाञ्जली व्यक्त गरेका छन् ।
सामाजिक संजाल ट्वीटरमा श्रद्धाञ्जली व्यक्त गर्दै प्रधानमन्त्री देउवाले पूर्वप्रधानमन्त्री शिन्जो आबेको निधनको खबर सुनेर आफूलाई गहिरो दुःख लागेको बताएका छन् । देउवाले आबे विश्वका चर्चित नेता मात्र नभएर नेपालको असल मित्र पनि भएकोले यस दु:खद घडीमा आबेको आत्माको चिर शान्तिको कामना गर्दै जापानका जनता र शोक सन्तप्त परिवारका सदस्यहरुप्रति गहिराे समवेदना व्यक्त गरेका छन् ।
Deeply saddened to learn the passing of former Prime Minister Shinzo Abe. My heartfelt condolences. He was not only a renowned world leader but also a good friend of Nepal. At this hour of grief, our thoughts and prayers are with the people of Japan and bereaved family members.
— Sher Bahadur Deuba (@SherBDeuba) July 8, 2022
यस्तै एमाले अध्यक्ष ओलीले जापानका पूर्वप्रधानमन्त्री आबेको निधनले आफू धेरै दुःखी हुनुको साथै पूर्वप्रधानमन्त्रीको जघन्य हत्याको घोर भर्त्सना समेत गरेका छन् । ओलीले आबे नेपालको परम मित्र हुनुको साथै उनी प्रधानमन्त्री हुँदा नेपाल-जापान सम्बन्धलाई मजबुत बनाउन महत्वपूर्ण भूमिका खेलेका स्मरण गरेका छन् ।
I am deeply saddened by the demise of Shinzo Abe, the former PM of Japan. I strongly condemn the barbaric murder of former PM. Abe was a friend of Nepal and had played an important role in strengthening Nepal-Japan relations during his premiership.
— K P Sharma Oli (@kpsharmaoli) July 8, 2022
