कार लुटेर फरार भएका तीन भारतीय नागरिक कैलालीबाट पक्राउ Nepalpatraकार लुटेर फरार भएका तीन भारतीय नागरिक कैलालीबाट पक्राउ
३० श्रावण २०७९, सोमबार

कार लुटेर फरार भएका तीन भारतीय नागरिक कैलालीबाट पक्राउ


कार लुटेरार भारतीय नागरिक पक्राउ

धनगढी । कार लुटेर फरार भएका तीन जना भारतीय नागरिकलाई प्रहरीले पक्राउ गरेको छ । कैलालीको गोदावरी जंगलमा चालकलाई बाँधेर लुटपाट गरी फरार भएका ती भारतीय नागरिकलाई प्रहरीले नियन्त्रणमा लिएको हो ।

कैलालीको बुढीतोलामा नेपाली नागरिक लुटपाटमा गर्ने भारतीय नागरिकहरु हरियाणाका २१ वर्षीय भगत सिंह, १७ वर्षीय साहिल बादलिसे र २० वर्षीय सन्नी जेटलाई प्रहरीले कैलालीको गोदावरी नगरपालिका-१ स्थित ऐश्वर्य सामुदायिक वनबाट नियन्त्रणमा लिएको हो ।

उनीहरू पक्राउ पर्नु भन्दा अगाडि प्रहरीले उनीहरूले लुटेर लगेको ०१–२३–च ६०२१ नम्बरको कार गोदावरी-१ स्थित पाठक आयल स्टोरदेखि शान्तिनगर जाने भित्री सडक खण्डमा फेला परेको थियो । लिफ्ट मागेर सँगै आएको तीनजनाको समूहले कैलालीको गोदावरीको जंगलबार डडेल्धुराका अतिताल गाँउपालिकाका कर्मचारी कम्प्युटर अपरेटर लोकेन्द्रसिंह भण्डारीको कार लुटेका थिए ।

लुटेराले भण्डारीलाई चक्कु प्रहार गरी टाउकोमा ढुंगाले कुटपिटसमेत गरेर बाँधेर लुटेराहरू फरार भएका थिए । घाइते भण्डारीको अहिले अत्तरियाको पदमा अस्पतालमा उपचार जारी रहेको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !