रौतहट । रौतहटमा स्कर्पियो पिकअप गाडीको ठक्करबाट २ जनाको मृत्यु भएको छ । प्रहरीका अनुसार गएराति बा १७ च ६१६३ नम्बरको स्कर्पियो पिकअपले ठक्कर दिँदा बृन्दाबन नगरपालिका–६ स्थानीय हर्साहा गाउँका बर्ष ३५ का जितेन्द्र पटेल र २८ बर्षिय हरि कुमार ठाकुरको मृत्यु भएको हो ।
ठक्करबाट गम्भीर घाइते भएका ठाकुरको उपचारको क्रममा स्थानीय अस्पताल र पटेलको उपचारको लागि एम्बुलेन्सबाट भरतपुर जाने क्रममा राति नै मृत्यु भएको प्रहरीले जानकारी दिए ।
