काठमाडौं । ठगीको आरोपमा एकजना युवक पक्राउ परेका छन् । सहज रुपमा ई–पासपोर्ट बनाइदिन्छु भनेर ठगेको आरोपमा सुनसरीको इटहरी उप–महानगरपालिका–५ घर भएका ३५ वर्षीय मनोज सापकोटालाई प्रहरीले पक्राउ गरेको छ ।
राहदानी विभागमा पासपोर्ट बनाउन आएका सर्लाहीका सोमबहादुर स्याङतानलाई उनले ‘सहज रुपमा पासपोर्ट बनाइदिउँला’ भनेर १२ हजार रुपैयाँ लिएर भागेका थिए । ठगेर भागेको सुराक पाएपछि महानगरीय प्रहरी वृत्त कालिमाटीबाट खटिएको टोलीले उनलाई बिहीबार पक्राउ गरेको हो ।
