काठमाडौं । राजधानी काठमाडौँको चाबहिलस्थित सेकुवा कर्नरबाट ८ जना युवा पक्राउ परेका छन् । काठमाडौं महानगरपालिका-७ गंगाहिटी चाबहिलस्थित एक सेकुवा कर्नरबाट प्रहरीले ती युवालाई पक्राउ गरेको हो ।
पाँचथर घर भएका ३७ वर्षीय सुजन लिम्बुले संचालन गरेको खुकुरी सेकुवा कर्नर, रेष्टुरेन्ट तथा खाजा घरमा तास खेलिरहेको अवस्थामा सुजन लगायत ८ जनालाई हिजो शनिबार राति प्रहरीले पक्राउ गरेको हो ।
उक्त खाजा घरमा जुवातास खेलिरहेको भन्ने खबर पाउनासाथ महानगरीय प्रहरी वृत्त गौशालाबाट खटिएको प्रहरीले उनीहरुलाई नगद १ लाख १८ हजार २ सय २० रुपैयाँ र ३ बुक ताससहित पक्राउ गरेको हो । यसबारे प्रहरीले थप अनुसन्धान जारी राखेको छ ।
