कांग्रेस निकट युवाहरुले दिए काठमाडौंका मेयर विद्यासुन्दरलाई 'फोहोर उपहार' Nepalpatra कांग्रेस निकट युवाहरुले दिए काठमाडौंका मेयर विद्यासुन्दरलाई 'फोहोर उपहार'
१० कार्तिक २०७८, बुधबार

कांग्रेस निकट युवाहरुले दिए काठमाडौंका मेयर विद्यासुन्दरलाई ‘फोहोर उपहार’


युथ कांग्रेस नेपाल

काठमाडौँ । बिगत तीन सातादेखि काठमाडौं उपत्यकामा फोहोर नउठाइएपछि सुन्धारास्थित काठमाडौं महानगरपालिकाको प्रवेशद्वार अगाडि फोहोर थुपारेर प्रदर्शन गरिएको छ । कांग्रेस निकट युथ कांग्रेस नेपालका कार्यकर्ताहरुले आज सोमबार फोहोर थुपारेर विरोध प्रदर्शन गरेका हुन् ।

कांग्रेस निकट यी युवाहरुले दिए काठमाडौं महानगरपालिकाका मेयर विद्यासुन्दर शाक्यलाई सांकेतिक रुपमा ‘फोहोर उपहार’ दिएका हुन् । प्रदर्शनकारीहरुले ‘मेयरलाई फोहोर उपहार’, ‘फोहोरी राजनीति फोहोरी शहर’ लेखेको प्लेकार्डसहित प्रदर्शन गर्दै ती प्लेकार्ड त्यही छाडिदिएका छन् ।

नुवाकोटको सिसडोलस्थित ल्याण्डफिल साइट जाने सडक बिग्रिएको कारण देखाएर काठमाडौं महानगरले फोहोर उठाउन नसकिएको बताउँदै आएको छ । अहिले राजधानी काठमाडौँका सडकमा जताततै फोहोर थुप्रिएको छ ।

सडकमा फोहोर थुुप्रिएपछि दुर्गन्ध फैलिएको छ । काठमाडौँ उपत्यकाको फोहर नउठ्दा नागरिकको स्वास्थ्यमा प्रतिकूल असर पर्ने देखिएको छ । यस्तै काठमाडौँ उपत्यकाबाट फोहर उठ्न नसक्दा घर-घरबाट वाग्मती नदीमा फोहरको थुप्रो फाल्न थालेको भेटिएको छ ।

यसरी घरघरबाट गैरजिम्मेवार नागरिकले फोहरको डंगुर फाल्न थालेपछि पवित्र वाग्मती नदी डम्पिङ साइट बनेको छ । यसरी काठमाडौँ महानगरपालिका दिउसै निदाए जस्तो गरेर बसेको छ । काठमाडौँ महानगरपालिकाका मेयर विद्यासुन्दर शाक्य गैरजिम्मेवार देखिएका छन् ।

यो पनि पढ्नुहोस्

निदायो काठमाडौँ महानगर : घरघरबाट फोहर फाल्न थालेपछि वाग्मती बन्यो डम्पिङ साइट

उपत्यकाको फोहर अझै एक साता नउठ्ने, नागरिकको स्वास्थ्यमा खेलबाड


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !