काठमाडौँ । पूर्वराजा ज्ञानेन्द्र शाह दम्पत्तिले कोरोनालाई जितेपछि महामारीबाट जोगिन भिडियो संदेशमार्फत सबै नेपालीलाई आग्रह गरेका छन् । पूर्वराजा रानीले आज एक भिडियो सन्देश जारी गर्दै आफूहरु अस्वस्थ्य रहेको समय शुभकामना दिने सबैप्रति आभार व्यक्त गरेका छन् ।
रानी कोमल राज्यलक्ष्मीदेवीसँगै बसेर भिडियो मार्फत जारी सन्देशमा पूर्वराजा शाहले आफूहरूको स्वास्थ्यलाई लिएर चासो र चिन्ता व्यक्त गर्दै स्वास्थ्य लाभको कामना गर्ने सबैमा आभार व्यक्त गर्दै आम नेपालीलाई स्वास्थ्य रहन आग्रह गरेका छन् ।
यस महामारीको समयमा अग्रपंक्तिमा रही कार्यरत सवैमा धन्यवाद दिँदै पूर्वराजा ज्ञानेन्द्र शाहले महामारी नियन्त्रणका लागि आफ्नै संकल्प र बाहिरी सहयोगको आवश्यकता औंल्याएका छन् । भिडियो सन्देशमा पूर्वराजा ज्ञानेन्द्र बोलिरहँदा पूर्वरानी कोमलले भने अक्सिजन सपोर्ट लिइरहेको देखिएको छ ।
