दक्षिणकालीमा भेटिएको शवको पहिचान, युट्युबमा भाइरल सन्तोषी सुब्बा भएको पुष्टि Nepalpatra दक्षिणकालीमा भेटिएको शवको पहिचान, युट्युबमा भाइरल सन्तोषी सुब्बा भएको पुष्टि
२१ आश्विन २०७९, शुक्रबार

दक्षिणकालीमा भेटिएको शवको पहिचान, युट्युबमा भाइरल सन्तोषी सुब्बा भएको पुष्टि


सन्तोषी सुब्बा

काठमाडौँ । दक्षिणकाली मन्दिर नजिकै रहेको पार्किङ छेउको सौचालयमा हत्या गरेर फालिएको अवस्थामा भेटिएकी महिलाको पहिचान खुलेको छ । उनी काठमाडौं कालोपुल बस्ने २५ वर्षीया सन्तोषी सुब्बा भएको प्रहरीले जनाएको छ ।

कालोपुलमा बस्दै आएका धनबहादुर तामाङले उनलाई धर्मछोरी बनाएर आफूसँगै राखेका थिए । उनलाई पनि प्रहरीले पक्राउ गरेको छ । अनुसन्धानका लागि पक्राउ गरिएको बताउने प्रहरीले उनको संलग्नता नदेखिएको बताइएको छ । उनी धनबहादुरसँग १५/१६ वर्षदेखि बस्दै आएको देखिएको छ ।

काठमाडौं प्रहरीका प्रमुख एसएसपी अशोक सिंहले उक्त शव पशुपंछीको आवाज निकालेर युट्युबमा भाइरल बनेकी महिला सन्तोषी सुब्बाको रहेको पत्ता लागेको जानकारी दिए ।

उनी केही समयअघि सामाजिक सञ्जालमा भाइरल भएकी थिइन् । गलाबाट थरीथरीका आवाज निकाल्ने गरेका कारण उनी भइरल भएकी थिइन् । उनले दिएको अन्तरवार्ता समेत अहिले युट्युवमा हेर्न सकिन्छ । उनले कोइली, काग, कुखुरा, ढुकुर लगायतको आवाज निकालेको भिडियोहरु सामाजिक सञ्जालमा छन् ।

दक्षिणकाली मन्दिरको शौचालयमा मुखका गह्रुंगो वस्तुले प्रहार गरेको अवस्थामा शव फेला परेको थियो । प्रारम्भिक अनुसन्धानमा हत्या गरेर फालेको निष्कर्ष प्रहरीले निकालेको छ । मंगलबार शव भेटिएको ती महिला घरबाट तीन दिनदेखि बेपत्ता रहेको प्रहरीले जनाएको छ । तामाङले उनी आफ्नो सम्पर्कमा तीनदिनबाट नरहेको बताएको प्रहरीले जनाएको छ ।

धनबहादुरलाई आफू ‘गंगटो’ खोज्न जान्छु भन्दै निस्किएको प्रहरीले जनाएको छ । उनको सन्तोषीको घाँटीमा सलले कसिएको र अनुहार चिन्न नसक्ने गरी किचिएको थियो । घटनास्थलमा एउटा बट्टामा एउटा गंगटो समेत फेला परेको छ । मास्क र चप्पल पनि प्रहरीले बरामद गरेको छ ।

प्रहरीले उनको हत्या अवैध सम्बन्धले भएको हुन सक्ने बताएको छ। यद्यपी पोस्र्टमार्टम रिपोर्ट भने आउन बाँकी छ । प्रहरी स्रोतका अनुसार उनको पेट बढेको जस्तो देखिएकाले उनी गर्भवती भएको हुन सक्ने पनि आशंका गरेका हुन् । अवैध सम्बन्ध खुल्ने डरले पनि उनको हत्या भएको हुन सक्ने प्रहरीको आशंका छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !