गोरखा । गोरखाको सिरानचोकमा पहिरोमा परेर २ जनाको मृत्यु भएको छ । सिरानचोक गाउँपालिका-७ उपल्लो गोहारेमा पहिरोले घर भत्काउँदा एक दम्पतीको मृत्यु भएको हो ।
गएराति स्थानीय ८६ वर्षका रमण पाण्डे र उनको पत्नी नन्दकुमारी पान्डेको मृत्यु भएको जिल्ला प्रहरी कार्यालय गोरखाले जनाएको छ । शुक्रबार मध्यराति घरमाथिबाट खसेको पहिरोले घर पुरिँदा च्यापिएर मृत्यु भएको हो ।
उनीहरु २ जना मात्र घरमा भएकोले पहिरो खसेर घर पुरिएको बिहान मात्र थाहा भएको हो । चार घण्टा लगाएर केही उनीहरुको शव निकालिएको हो । ६० मिटर माथिबाट खसेको पहिरोले घर च्यापिएर उनीरुको मृत्यु भएको हो ।
