काठमाडौं । काठमाडौंको रविभवनस्थित सोल्टी सिटी अपार्टमेन्टमा आगलागी भएको छ । आज सोमबार दिउँसो एक्कासी आगलागी भएको महानगरीय प्रहरी वृत्त, कालिमाटी स्रोतले जानकारी दिएको छ । अपार्टमेन्टको माथिल्लो तलामा आगलागी भइरहेको छ ।
आगलागी भएपछि प्रहरीले विभिन्न तलामा रहेका मानिसहरुको उद्दार गरेको थियो । प्रहरीका अनुसार काठमाडौं, ललितपुर महानगरपालिका सहितका दमकलको सहयोगमा आगो नियन्त्रणमा आएको हो ।
प्रहरीले गरेको प्रारम्भिक अनुसन्धानका अनुसार विद्युत् सर्ट भइ आगलागी भएको हुनसक्ने आशंका गरिएको छ । घटनाको थप जानकारी आउँन भने बाँकी नै रहेको छ ।
