बिराटनगर, बैशाख २८ । झापा र सोलुखुम्बुमा पानीमा डुबेको अवस्थामा १ बृद्धा सहित २ जना मृत फेला परेका छन् । झापाको गौरीगञ्ज गाउँपालिका- पाराखोपी बस्ने ७३ बर्षीया बेटिया किस्कु शनिवार दिउँसो २ बजे कमलखोलामा मृत फेला परेकी हुन् ।
यसैगरी सोलुखुम्बुको सोताङ गाउँपालिका-३ खहरे बस्ने १८ बर्षीय दत्तसिंह राई हुगा खोलामा मृत फेला परेका छन् । बैशाख २४ गते देखि घरबाट अचानक हराएका राईको खोजतलास गर्ने क्रममा शनिवार अपरान्ह ४ बजे उक्त खोलाको बिच भागमा मृत फेला परेको ईलाका प्रहरी कार्यालय सोताङले जनाएको छ ।
