१९ वैशाखक, लहान । पतिको कुटाइले गएराति सिरहाको गोलबजार नगरपालिकामा एक महिलाको मृत्यु भएको छ ।
गोलबजार नगरपालिका–७ चोहर्वा का ३५ वर्षीय कृष्ण शर्माको कुटाइवाट पत्नी २३ वर्षीया प्रभादेवीको मृत्यु भएको माइतीको आरोप छ । कुटपिट गर्दा बेहोश भएकी प्रभालाई उपचारका लागि कर्जन्हास्थित फूलकुमारी मेमोरियल अस्पताल लगिएको थियो । बाटोमै उनको मृत्यु भएको दाजु रामसागर शर्माले जानकारी दिए ।
यसअघि पनि आफ्नी बहिनीलाई पटक–पटक कुटपिट गर्ने गरेको रामसागरले बताए । प्रभाको शव परीक्षणका लागि सिरहा जिल्ला अस्पतालमा राखिएको इलाका प्रहरी कार्यालय गोलबजारले जनाएको छ ।
मृतकको नाकवाट रगत आएकाले कुटपिटको आशंका गरिए पनि परीक्षणपछि मात्र केही भन्न सकिने प्रहरीले जनाएको छ । कृष्णलाई भने अनुसन्धानका लागि प्रहरीले नियन्त्रणमा लिएको छ ।(रासस)
