४ बैशाख, रौतहट । रौतहट जिल्लाको कटहरिया नगरपालिका वडानम्बर–१ हर्षाहाटोलका मुकेश चौरसियाको २५ बर्षिय श्रीमती सिमा देवी चौरसियाको आरोपमा प्रहरीले एकजनालाई नियन्त्रणमा लिएको छ ।
मंगलवार बिहान घरभन्दा करीव दुई सय मिटर उतरतर्फ खेतमा चौरसियाको शव उतानो अवस्थामा भेटिएको प्रहरीले जनाएको छ ।
सिमाको मृत्युको कारण खुल्न नसकेपनि घटना शंकास्पद रहेको ईलाका प्रहरी कार्यालय गरुडाका प्रमुख प्रहरी निरिक्षक गोबिन्द थापाले बताएका छन् ।
घटनाबारे थप अनुसंधान तथा सोधपुछको लागी मृतक सिमा चौरसियाका सासु रम्भा देवी चौरसिया लाई नियन्त्रणमा लिएको प्रहरी निरीक्षक थापाले बताउनु भयो ।
मृतकका श्रीमान मुुकेश चौरसिया चारमहिना अघि देखी बैदेशिक रोजगारीका लागी मलेसिया गएका छन । उनको घरमा सासु र दृष्टिबिहिन ससुरा रहेका छन ।
