१८ फागुन, खजुरा । दिनहुँ मादकपदार्थ सेवन गरी कुटपिट गर्ने श्रीमानलाई सर्वतमा सेल्फास नामक विष खुवाएर श्रीमतीले हत्या गरेको घटना सार्वजनिक भएको छ ।
बाँके डुडुवागाउँपालिका–४, गडारियनपुरका ४० वर्षीया पतंगी गडरियाले ४५ वर्षीय श्रीमान् कुर्कुट गडरियालाई विष खुवाउँदा उनको मृत्यु भएको हो ।
प्रहरीले घटनामा प्रत्यक्ष संलग्न रहेकी श्रीमती पतंगी र आफन्त भारत जिल्ला बहराइचका ४० वर्षीय कुन्नु गडरियालाई पक्राउ गरेको छ ।
घटना रहस्यमय भएकाले संलग्न दुई जनालाई पक्राउ गरी अनुसन्धान शुरु गरिएको बाँके प्रहरी प्रमुख प्रहरी उपरीक्षक टेकबहादुर तामाङले बताए ।
