१२ वैशाख, गुल्मी । गएराती धुर्कोट गाउँपालिकाको एक गोठमा आगलागी हुँदा एक जनाको ज्यान गएको छ भने पशुसहित लाखौंको क्षति भएको छ ।
धुर्कोट गाउँपालिका वडा नम्वर–३ हाडहाडेस्थित सोमरभोमरका ६० वर्षिय कृष्णबहादुर पुनको गोठमा आगो लाग्दा जलेर ज्यान गएको जिल्ला प्रहरी कार्यालयका प्रवक्ता प्रहरी निरीक्षक डाक्टरप्रसाद चौधरीले जानकारी दिए ।
प्रवक्ता चौधरीका अनुसार गोठमा सुतेका पुनको गोठमा बालेको आगो सल्किँदै जाँदा राती नै जलेर मृत्यु भएको हो ।
