काठमाडौँ । नेपालमा पछिल्लो २४ घण्टामा ३८८१ जनामा पिसिआर परिक्षण गर्दा ३२ जना र १३८७ जनामा एन्टीजेन परिक्षण गर्दा ३ जना गरी जम्मा ५२६८* नमुनाको परीक्षण गर्दा ३५* जनामा कोरोना भाइरस (कोभिड-१९) संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
स्वास्थ्य मन्त्रालयका अनुसार पछिल्लो २४ घण्टामा २६६ जनाले कोरोना जितेसंगै नेपालमा कोरोना जित्नेको संख्या ९ लाख ६४ हजार १२७ जना पुगेको छ । नेपालमा कोरोना निको हुने दर ९८.६ प्रतिशत रहेको मन्त्रालयले जनाएको छ ।
कोरोना संक्रमणवाट पछिल्लो २४ घण्टामा कोरोना संक्रमणवाट कसैको मृत्यु भएको छैन । हालसम्म कोरोना संक्रमणवाट ११९५१ जनाको मृत्यु भईसकेको छ । नेपालमा कोरोना संक्रमणबाट मृत्यु हुने दर १.२ प्रतिशत रहेको मन्त्रालयले जनाएको छ ।
पछिल्लो २४ घण्टामा काठमाडौं उपत्यकामा विभिन्न प्रयोगशालमा गरिएको परीक्षणमा आज १० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ । मन्त्रालयका अनुसार आज काठमाडौं जिल्लामा ९ जना र भक्तपुर जिल्लामा १ जनामा कोरोना संक्रमण देखिएको छ ।
हालसम्म नेपालमा ५५ लाख २१ हजार ५५ पिसिआर परीक्षण भएको छ भने ११ लाख १८ हजार १०६ एन्टीजेन परीक्षण गरिएको छ भने १०६ जना क्वारेन्टाइनमा बसेका छन् । हाल देशभर २ हजार २१९ जना सक्रिय कोरोना संक्रमित रहेका छन् ।
आजसम्म १ करोड ८७ लाख २७ हजार ३३ जनाले कोरोनाबिरुद्ध पहिलो मात्र खोप लगाइसकेका छन् भने १ करोड ८८ लाख ५२ हजार ९७९ जनाले पूर्ण मात्रा खोप लगाउनुका साथै १९ लाख ९४ हजार ७८२ जनाले अतिरिक्त मात्र खोप लगाइसकेकाले जम्मा ३ करोड ९५ लाख ७४ हजार ७९४ मात्रा कोरोना खोप लगाई सकिएको छ ।
*एएमएस र इमेलवाट प्राप्त आरडिटी एन्टीजेनको विवरण समावेश गरिएको छ ।
