काठमाडौँ । नेपालमा पछिल्लो २४ घण्टामा ११ हजार ९४४ नमूना परीक्षण गर्दा १२७१ जनामा कोरोना भाइरस (कोभिड-१९) संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
योसँगै नेपालमा कोरोना संक्रमण हुनेको संख्या ७ लाख ७४ हजार ५८७ पुगेको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा थप १ हजार ८४५ जना संक्रमणमुक्त भएका छन् । हालसम्म नेपालमा कोरोनामुक्त हुनेको संख्या ७ लाख ३५ हजार ६ छ ।
स्वास्थ्य मन्त्रालयका अनुसार पछिल्लो २४ घण्टामा १४ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या १० हजार ९०३ पुगेको छ ।
नेपालमा कोरोनाका सक्रिय संक्रमितको संख्या २८ हजार ६७८ रहेको छ ।
