![विद्यार्थीलाई कोरोना खोप लगाइँदै](https://i0.wp.com/nepalpatra.com/wp-content/uploads/Corona-Vaccine-Student.jpg?fit=1024%2C517&ssl=1)
काठमाडौं । काठमाडौं महानगरपालिकाले आजदेखि कक्षा ११ र १२ का विद्यार्थीलाई कोरोना भाइरस (कोभिड-१९) विरुद्धको भेरोसेल खोपको पहिलो डोज लगाउने भएको छ ।
महानगरले आजदेखि १८ वर्षमाथिका प्लस टु अध्ययनरत र विश्व विद्यालय तहको परीक्षाको प्रवेश पत्र लिएका विद्यार्थीलाई खोप दिन लागेको हो ।
आजदेखि नै काठमाडौंमा ४० वर्षमाथिका नागरिकलाई पनि भेरोसेल खोपको पहिलो डोज दिइने महानगरले जनाएको छ । महानगरका अनुसार खोप अभियान महानगरका ३२ वटै वडामा भदौ ४, ५, र ८ गते सञ्चालन हुने छ ।