काठमाडौँ । नेपालमा पछिल्लो २४ घण्टामा ८८४८ जनाले कोरोना भाइरस (कोभिड-१९) संक्रमणमुक्त भएसंगै नेपालमा कोरोना भाइरस जित्नेको संख्या ३ लाख ८३ हजार ६८४ पुगेको स्वास्थ्य तथा जनसंख्या मन्त्रालयले जानकारी दिएको छ ।
नेपालमा कोरोना संक्रमित हुनेमध्ये आजसम्म निको भएको दर ७५.८ प्रतिशत रहेको मन्त्रालयले बताएको छ । नेपालमा पछिल्लो २४ घण्टामा ८९८० जनामा कोरोना संक्रमण पुष्टि भएसंगै नेपालमा कोरोना संक्रमित हुनेको संख्या ५ लाख ५ हजार ६४३ जना पुगेको मन्त्रालयले जानकारी दिएको छ ।
