फाइल फोटो
काठमाडौँ । सत्तारुढ दल नेकपा (एमाले) का वरिष्ठ नेता झलनाथ खनाल कोरोना भाइरस (कोभिड-१९) संक्रमणमुक्त भएका छन् । नर्भिक इन्टरनेशल अस्पतालमा संक्रमित भई उपचाररत उनी हिजो आइतबार साँझ संक्रमणमुक्त भएका हुन् ।
उनका स्वकीय सचिव कृष्ण भट्टराईले हिजो पिसिआर परीक्षण गर्दा उनमा संक्रमण नदेखिएको बताए । उमका अनुसार संक्रमणमुक्त भए पनि केही दिन चिकित्सकको सल्लाह अनुसार नेता खनाल अस्पतालमै रहनेछन् ।
संक्रमण भएपछि यही वैशाख १८ गते अस्पतालमा भर्ना भएका पूर्वप्रधानमन्त्री खनालको स्वास्थ्य सुधारोन्मुख रहेको स्वकीय सचिव भट्टराईले जानकारी दिए ।
