काठमाडौं । नेपाली राष्ट्रिय क्रिकेट टोलीका पूर्व कप्तान पारस खड्कालाई कोरोना भाइरस (कोभिड-१९) संक्रमण पुष्टि भएको छ । आज शुक्रबार बिहान गरिएको परीक्षणमा आफूमा कोरोना पोजेटिभ देखिएको खड्काले सामाजिक संजाल ट्वीटर मार्फत जानकारी दिएका हुन् ।
कोरोना भाइरस संक्रमणको लक्षण देखिन थालेपछि दुई दिनदेखि आफू घरमा आइसोलेसनमा बसेको र बिहीबारदेखि स्वाद र गन्ध थाहा नपाउने लक्षण देखिएपछि शुक्रबार कोरोना परीक्षण गराएको उनले ट्वीटरमा लेखेका छन् ।
उनले संक्रमण पुष्टि भएपछि सरकारले तोकेको मापदण्ड अनुसार होम आइसोलेसनमा नै बस्ने बताएका छन् । शनिबारदेखि चितवनमा शुरु हुने गौतम बुद्ध कपमा पारसले खेल्न नपाउने भएका छन् । उनले प्रतियोगिताको शुभकामना दिँदै आफू खेलमा उपस्थित हुन नपाएकोमा दु:ख पनि व्यक्त गरेका छन् ।
all the guidelines as per the doctors.
Unfortunately will be missing the cricket action in Chitwan starting tomorrow so would like to wish everyone my best wishes ahead for the Gautam Buddha Cup.
Thank you.— Paras Khadka (@paras77) December 11, 2020
