काठमाडौं, कात्तिक १३ । चर्चित सञ्चारकर्मी रवि लामिछाने र उनकी पत्नी निकिता पौडेलमा कोरोना भाइरस (कोभिड-१९) संक्रमण पुष्टि भएको छ । सामाजिक संजालहरु ट्वीटर र फेसबुकमार्फत उनले यसको जानकारी दिएका हुन् । गत मंगलबार रातिबाट हल्का ज्वरो आएपछि बुधबार पीसीआर टेष्ट गर्दा आफूहरुमा कोरोना संक्रमण देखिएको उनले बताएका छन् ।
उनले सामाजिक संजालमा लेखेका छन्, ‘गत मंगलबार रातिबाट हल्का ज्वरो आएपछि हिजो पीसीआर टेष्ट गर्दा, म र निकिता दुवैमा कोरोना पोजेटिभ देखिएको छ । हामी दुवैको स्वास्थ्य सामान्य छ । केही पेशागत क्रियाकलापले र केही आफ्नै लापरबाहीले संक्रमण भएको हुन सक्दछ । घरमा हामी दुई मात्र छौं त्यसैले धेरै समस्या छैन तर घरमा वृद्धअवस्थाका सदस्यहरु हुनेले चाहिँ बिल्कुल लापरबाही नगरौं ।’
मंगलबार रातिबाट हल्का ज्वरो आएपछिPCR गर्दा म र निकीता दुबैमा कोरोना पोजेटिभ देखिएको छ।हामी दुबैको स्वास्थ सामान्य छ।केही पेशागत क्रियाकलापले र केही आफ्नै लापरबाहीले संक्रमण भएको हुन सक्छ। घरमा हामी दुई मात्र छौ,धेरै समस्या छैन तर घरमा बृद्धअबश्थाका सदस्यहरु हुनेले लापरबाही नगरौं।
— Rabi Lamich2ane (@hamrorabi) October 29, 2020
