पोखरा, असोज २७ । गण्डकी प्रदेशमा आज बिहान थप ३४ जनामा कोरोना भाइरस (कोभिड-१९) को संक्रमण पुष्टि भएको छ । योसंगै गण्डकी प्रदेशमा कोरोना संक्रमितको संख्या ५००५ जना पुगेको छ ।
स्वास्थ्य निर्देशनालय रामघाट पोखराका निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले आज बिहान १०:३० बजे प्रेस बिज्ञप्ति जारी गर्दै ३४ जनामा कोरोना संक्रमण पुष्टि भएको जानकारी गराएका हुन् ।
आज अध्यावधिक विवरण अनुसार क्षयरोग उपचार केन्द्र, पोखरामा गरिएको परिक्षणमा गण्डकी प्रदेशमा थप भएका नयाँ ३४ जनामा कोरोना संक्रमण देखिएको हो । कोरोना संक्रमण पुष्टि हुनेहरुमा कास्कीको पोखरा महानगरपालिकाका १८ जना, स्याङजा चापाकोटका १४ जना र लमजुङको सुन्दरबजार र मध्यनेपालका २ जना रहेका छन् ।
उपरोक्त तालिकामा खुलाईएको ३ वटा अस्पतालका संक्रमितहरु सोहि अस्पतालमा उपचार गर्न आएका हुन् भने अन्य व्यक्ति कन्ट्याक ट्रेसिंगबाट पहिचान भएका हुन् । सबै संक्रमितहरुलाई आईसोलेसनमा ब्यबस्थापन गर्ने तयारी भई रहेको छ ।
यो पनि पढ्नुहोस्
गण्डकी प्रदेशमा थप १२६ जनामा कोरोना पुष्टि, संक्रमितको संख्या ४९७१ पुग्यो
