काठमाडौँ, असोज १५ । राष्ट्रिय पुनर्निर्माण प्राधिकरणका प्रमुख कार्यकारी अधिकृत सुशील ज्ञवालीलाई कोरोना भाइरस (कोभिड-१९) संक्रमण पुष्टि भएको छ । कोरोना संक्रमणको लक्षण देखिएपछि बीर अस्पतालमा स्वाब परीक्षण गर्दा रिपोर्ट पोजेटिभ आएको हो ।
प्राधिकरण स्रोतका अनुसार गत सोमबार असोज १२ गते उनको रिपोर्ट पोजेटिभ आएपछि उनी होम आइसोलेसन बसेका छन् । कन्ट्याक ट्रेसिंग गर्ने क्रममा ज्ञवालीको परिवारका अन्य सदस्यहरुको पनि स्वाब परीक्षण गरिएकोमा उनीहरुको रिपोर्ट नेगेटिभ आएको छ ।
पुनर्निर्माणको काममा सकृय रुपमा लागिरहेका बेला केही लक्षण देखिएपछि परीक्षण गराउँदा कोभिड-१९ रिपोर्ट पोजेटिभ देखिएको छ । तसर्थ म होम आइसोलेनमा छु । र, स्वास्थ्य अवस्था सामान्य रहेको जानकारी गराउँछु ।
— Sushil Gyewali (@Sushilgyewali) October 1, 2020
