सुर्खेत, असोज ७ । कर्णाली प्रदेशमा आज दिउसो ४८ जनामा कोरोना भाइरस (कोभिड-१९) को संक्रमण पुष्टि भएको छ । योसंगै कर्णाली प्रदेशमा कोरोना संक्रमितको संख्या ३२७६ जना पुगेको छ । कर्णाली प्रदेश सामाजिक विकास मन्त्रालयको जनस्वास्थ्य शाखाका प्रमुखले आज दिउसो एक प्रेस बिज्ञप्ति जारी गर्दै सो कुराको जानकारी दिएका हुन् ।
प्रदेश अस्पताल, सुर्खेत र पशुपन्छी रोग अन्वेषण प्रयोगशाला सुर्खेतमा गरिएको परीक्षणमा ४८ जनामा कोरोना संक्रमण पुष्टि भएको हो । आज कोरोना संक्रमण पुष्टि हुनेहरुमा सुर्खेतका ३१ जना, दैलेख र काठमाडौँका ३/३ जना, जाजरकोट र रुपन्देहीका २/२ जना, रुकुम पश्चिम, जुम्ला, हुम्ला, प्युठान, लम्जुङ, चितवन र भक्तपुरका १/१ जना रहेका छन् ।
पछिल्लो २४ घण्टामा कर्णाली प्रदेशमा कोभिड-१९ संक्रमणवाट निको भई १७ जना डिस्चार्ज भएका छन् । हालसम्म डिस्चार्ज हुनेको संख्या २७३१ पुगेको छ भने ६ जनाको कोरोना संक्रमणवाट मृत्यु भएको स्वास्थ्य सेवा महाशाखाले जनाएको छ । कर्णाली प्रदेशमा हाल ५३९ जना सक्रिय संक्रमित आइसोलेसनमा रहेका छन् ।
यो पनि पढ्नुहोस्
कर्णाली प्रदेशमा थप ५५ जनामा कोरोना पुष्टि, संक्रमितको संख्या ३२२८ पुग्यो
