नेपालगञ्ज, भदौ २६ । भेरी अस्पताल नेपालगञ्जमा गरिएको परीक्षणमा बाँकेका ३१ जनासहित थप ३७ जनामा कोरोना भाइरस (कोभिड-१९) संक्रमण पुष्टि भएको छ । अस्पतालले आज दिउसो १२:४० बजे एक विज्ञप्ति सार्वजनिक गर्दै गत २४ घण्टामा २०० वटा नमूना परीक्षण गर्दा थप ३७ जनामा कोरोना संक्रमण पुष्टि भएको जानकारी दिएको हो ।
आज दिउसो कोरोना संक्रमण पुष्टि हुनेहरुमा बाँकेका ३१ जना, संखुवासभाका १ जना, दाङका १ जना र बर्दियाका ४ जनामा रहेका छन् । आज दिउसो कोरोना संक्रमित हुनेहरुमा २४ जना पुरुषहरु र १३ जना महिला रहेका छन् ।
भेरी अस्पतालको प्रयोगशालामा हालसम्म पत्ता लागेका कोरोना संक्रमितहरुको संख्या १९८८ जना पुगेको छ । भेरी अस्पताल नेपालगञ्जमा हालसम्म प्राप्त नमूनाहरुको संख्या ३८३१४ रहेको छ भने हालसम्म परीक्षण सम्पन्न भएको नमूनाहरुको संख्या ३८३०० वटा रहेको छ ।
